網民大戰：「其實日本燒肉係韓國傳入嘅？」相信香港人對「燒肉」絕對唔陌生～無論係高級和牛燒肉定係街邊韓燒放題，總有你鍾意嗰一種。不過最近就有網民喺討論區開post，拋出一個震撼彈：「日本燒肉，其實係由韓國傳入！」😲
日本燒肉嘅「韓國血統」？
根據網民嘅考證，日本燒肉原來可以追溯到 19世紀末至20世紀初，當時日本殖民朝鮮半島，期間有大量朝鮮人移居日本。
當中唔少人開咗食店，把「韓式烤肉」技術帶入日本。
後來日本人將烤肉文化「本土化」，例如：
-
把厚切牛變成薄切牛肉
-
加上日式燒肉汁（タレ）
-
改為桌上炭爐即燒
-
發展出「ホルモン（內臟燒）」文化
結果，韓式風味經過日本演變，變成今日大家熟悉嘅「日式燒肉」。
網民反應超激烈：
有網友即刻留言話：
「咁即係有泡菜就代表正宗？」
「牛角都成日擺泡菜上枱啦～」
「依家日本開燒肉鋪好多都係韓國人開嘅，其實根都喺韓國。」
「港式西餐都係鬼佬嘢改良返嚟啫，食得開心咪得囉！」
「日式燒肉已經青出於藍，肉質贏晒韓國燒肉。」
仲有人笑指：「羅宋湯係俄羅斯嚟，但再數上去其實係烏克蘭！」
討論越講越深，差啲變成地緣政治大辯論🤣
