近日有網民喺Facebook出post，表示去餐廳同朋友慶生食cupcake要收九百蚊既切餅費，一齊睇下到底咩事！
事緣該網民表示近日去尖沙咀某餐廳同朋友食生日飯，順便食蛋糕，訂座時餐廳表示會收取一百蚊既切餅費，事主都清楚，點知到入座先知係逐個蛋糕收取一百蚊切餅費，事主餅底上有9種唔同口味小蛋糕既’Cupcake旋轉蛋糕’合共需要九百蚊，由於費用太高，事主打卡影完相就轉去其他地方食蛋糕。另外該餐廳事後出post表示修改咗切餅費收費準則，Cupcake十二個或以下都一律合共收取一百蚊切餅費。
呢件事令網民熱烈討論，有網民認為收切餅費合理，但價錢冇可能接近一千蚊，另外有網民覺得餐廳冇錯，認為自帶酒水都係逐支酒計開瓶費，切餅費都同樣道理。
唔知你哋又點睇呢？快啲tag埋朋友一齊討論啦！
